LAOAG CITY – Inbatad ni Police lt. Col. Mar Louise Bondoc, ti chief of police iti ciudad ti Batac a simmukon ti driver ti Mitsubishi mirage a nakadungpar a poon ti nakatayan ti maysa a lakay iti Barangay Tabug iti nasao a ciudad.
Inlawlawag na a ti driver a binigbig na laeng iti nagan na a “Jun” ket simmuko iti PNP-Badoc ken iti palawag na kadakuada ket saanna a nadlaw nga adda ti nandungpar na gapu ta napigsa ti tudo idi napasamak ti krimen.
Nupay kasta, kuna ni Bondoc a naibaga ti driver nga idi nangngeg na iti Bombo Radyo nga adda ti napasamak a maipagarop nga hit-and-run iti Barangay Tabug iti ciudad ti Batac ket tinawagan na ti pagayaman na no sadinno a binalakadan ti naud-udi a nasaysayaat no sumukon.
Inbaga pay ni Bondoc a saan a dagus a simmuko ti driver gapu ta agamak amangan no dangran ti pamilya ti biktima.
Inpakaammo na nga addan ti inisyal a pinagsarita ti driver ken ti kabsat ti biktima ngem ipila da latta ti reklamo iti piskalya babaen ti regular filing.
Innayon ni Bondoc a makaammon ton ti piskalya a mangdeterminar ti ipila da a kaso.
Naggapo iti ili ti Badoc
Kuna na pay a no aginnareglon ton ti dua a partido ket agaramid to lattan ti pamilya ti biktima ti affidavit para ti pannakawaswas ti kaso.
Maipalagip a napasamak ti pannakadungpar ti biktima a ni Reynaldo Aganus y Dutdut, addaan iti umno a tawen, naasawaan, awanan ti trabaho ken residente iti nadakamat a barangay it oras ti alas-siete ti rabii idi Agosto 9.
Naamoan a ti suspek ket addaan ti online business ken agtawen ti 49.
