LAOAG CITY – Napilaan ni Niel Sherwin Antonio y Cabusas, agtawen ti 22, baro, ken residente iti Brgy. Malasin iti ili ti Bangui iti kaso a Reckless Imprudence Resulting to Double Homicide, Physical Injury ken Damage to Property.
Daytoy ket mainaig iti nakaam-ames a desgrasya a napasamak iti Brgy. Lanao iti ili ti Bangui itay kallabes a nakairamanan ti GMW bus, kurong-kurong a nagluganan dagiti biktima ken ti motorsiklo ni Antonio.
Immunan nga inlawlawag ni Police Capt. Julius Basallo itay kallabes a basol ni Antonio gapu iti panangovertake na sarsarunuen na a bus bayat ti panagpaabagatan a direksiyon dagitoy idinto a nakadimnnungpar ni Antonio ti nagpaamianan a direksyon a kurong-kurong nga inturong ni Junjun Ventura y Rangasan, agtawen ti 34 ken nakalugan da Jenifer Ventura y Sermia, agtawen ti 38, naaswaan kenni Gina Ventura y Rangasan, agtawen ti agpapada a residente iti Brgy. Poblacion 1 iti ili ti Pagudpud.
Naipila ti nasao a kaso kontra kenni Antonio iti opisina ti Provincial Prosecutor’s Office kalpasan a pimmusay ni Gina Ventura kalpasan a naideklara a dead on arrival kenni Jenifer Ventura a pimmusay bayat a maag-agasan iti ospital.
