LAOAG CITY – Nagtalinaed iti ospital dagiti dua a biktima iti napasamak a desgrasya iti paset ti Laoag-Suba Road, Bisinidad ti Brgy. 50-Buttong ditoy siudad ti Laoag.
Daytoy ket kalpasan a nagdinnungpar ti maysa a Mio 125 nga inturong ti agtawen ti 26 a residente iti Brgy. Caroan iti ili ti Pasuquion ken ti TMX 12 a nagluganan dagiti dua a residente iti Brgy. 9 iti ili ti Paoay.
Basar iti imbestigasyon ti PNP-Laoag, agpada nga agpaamianan dagiti dua a motorsiklo idi ta nag-left ti TMX 125 ken dita a saan a nakapagpreno ti mio 125 rason a nadungpar na ti TMX 125.
Gapu iti daytoy, nagsagaba ti lubbon iti TMX 125 ti fracture iti saka idinto a nukkol ti akin kannigid nga ima ti nangiturong ti mio.
