LAOAG CITY – Inbatad ni Police Chief Inspector Joseph dela Cruz, ti chief of police iti Pasuquin, Ilocos Norte a saan pay a kumpirmado no pudno a mapukpkaw dagiti aguliteg a mangngalap.
Segun ken ni dela Cruz, adda ti kakadwa da Arnel Boracio ken Edward Letin a napan iti agipakat koma ti rama iti taaw idi nagbaliktad ti nagluganan da a bangka.
Kuna ti opisyal, saan a naan-ano dagiti dua ken nakaawid da pay laeng kadwa da dagiti sumagmamano a pada da a mangngalap.
Nupay kasta, inpakaammo ni dela Cruz a nagsubli da Boracio ken Letin tapno mapan da iyaon ket guyuden ti nagbaliktad a bangka.
Innayon na a simmaruno met dagiti kakadwa da a mangngalap, ken no saan da a makita dagiti dua ket isunto pay laeng ti panangibaga da a mapukpukaw dagiti maseknan.
