LAOAG CITY – Sangsangkamaysa ti grupo dagiti mangngalap iti Barangay Davila iti ili ti Pasuquin a mangbirbiruk iti mapukpukaw a mangngalap a ni Mr. Eduardo Lequin.
Daytoy ti inpakaammo ni Brgy Chairman Jesus Agbalog iti Brgy. Davila iti ili ti Pasuquin.
Inbatad na nga ar-aramiden da ti annungen da kas Brgy Council a mangbirok iti mapukpukaw a kabarangayan da.
Inpakaammo ti kapitan nga immunan a nangiyuswat dgati kameng ti coastguard, karaman ti search and rescue team ti lokal a gobyernu iti ili ti Pasuquin.
Nupay kasta, napaay dagitoy a nagpatinggnga iti baybay gapu ta nadawel ti dalluyon idinto a bassit dagiti us-usaren da nga speed boat.
Gapu iti daytoy, kuna ni Brgy. Chairman Agbalog a mangnamnama da laengen nga adda ti nakaalaw ken ni Lequin.
Inyarig ti kapitan ti panagpukaw ti kabsatna idi 2002 no sadinno 9 nautical miles laeng ti kaadayo na ngem agpapan kadagitoy ket saan dan a nakita pay, idinto a ti
kabarangayan da a ni Lequin ket nasurok a 13 nautical miles ti kaadayo na ti maipagarup a nakaitaan ti nagluganan na a bangka.
