LAOAG CITY – Saan a mamati ni Mr. Roberto Rosario, guardian ti menor de edad a natiliw iti buy bust operation idiay ciudad ti Batac nga aglaklako ti subject ti iligal a droga.
Segun kenni Rosario, adda ti dimmanon kenkuana a report a bayat a nakalugan ti kurongkurong ti ubing kadwa na ti maysa pay a lalaki ket maipagarop nga adda ti nangsada kadakuada a pulis ken sumagmamano kadagitoy ket naka-uniporme.
Daytoy ket basar kadagiti nakakita a tattao ken kabsat ni Rosario nga adda iti taltalon.
Mainaig iti daytoy, kuna ni Rosario a bayat ti pannakisarita na a mismo iti ubing ket naglikudan na nga aglaklako ti iligal a droga.
Inpetteng na a nakasagana a tumulong dagiti nakakita a nasada ti ubing tapno mapaneknekan nga awan ti basol ti nasao a menor de edad.
Inadmitir na nga adda ti nakairamanan ti ubing a kaso ti panagtatakaw ngem kunana a kayat nan ti agbalbaliw.
Kabayatanna, kalikagom na a makasarita ti kadwa ti ubing tapno isu ti pagdamagan no anya ti pudno a nasapamak gapo ta agpapan ita ket saan na pay a nakita daytoy kalpasan a naisina iti nadakamat a subject ti operasyon.
