LAOAG CITY – Narikna ti Intensity 2 iti ili ti Burgos idi rabii gapu ti idadayyeg ti magnitude 5.1 a gingined iti akin amianan a laud a paset iti nasao nga ili.
Segun ti Philippine Institute of Volcanology and Seismology Earthquake Information No. 2, napasamak ti panagdayyeg iti 54 a kilometro iti amianan a laud ti nasao nga ili.
Addaan iti 16 a kilometro a kauneg ti panagdayyeg ken tectonic ti namunganayan ti gingined.
Basar iti mapa ti Phivolcs, napasamak daytoy iti baybay.
Manamnama a maaddaan ti aftershocks ken awan dagiti naireport a nadadael basar iti nasao nga ahensya.
