LAOAG CITY – Nagpadespensar ni Julieann Baptista, ti ina ni Carlo James Paredes iti pamilya ti Grade 9 student a nadanod-danog.
Segun kenni Baptista, saan na nga ammo no anya ti napasamak ken saan met a naibagbaga ti anak na ken saan na a kadendenna daytoy.
Kunana a mabalin a ti panagsina da iti asawa na wenno ama ni CJ ti rason no apay a maibarbarkada daytoy ngem kanayon na met a balbalakadan daytoy.
Inbatad na nga awan metten ti ammo na a nakairamramanan ti anak na.
Inpetteng na a no saan kuma nga inrugi ti binigbig na a naka-black eye iti biktima nga adda iti video ket mabalin nga awan kuma ti gulo a napasamak.
Nagpakawan met ni Jasmine Parades, lola ni CJ iti inaramid ti apoko na.
