LAOAG CITY – Inlawlawag ni Mr. John Teodoro, general manager ti Ilocos Norte Water District (INWD) a saan a pudno nga agsugsugal kas ti inhinyero ti prime water a nagbekkel kas iti rumrumwar a damag.
Segun kenni Teodoro, nabiit pay laeng ni Engr. Rizaldy Santos Bautista, 25, baro, taga 143 st. Tambubong, San Rafael, Bulacan ngem agdama nga agnanaed ditoy ciudad iti nasao a kompanya.
Gapo iti daytoy, patyen ni Teodoro nga awan ti panawen ni Bautista a mapan agsugal kas iti panagpallot nga isu ti ummuna a rimwar wenno nagwaras a damag wenno isu ti inbaga ti karruba ti biktima.
Naamoan a naiyemplo ti nasao nga inhinyero iti nasao a kompanya idi laeng Oktubre 7 ita a tawen.
Inbatad na a saan saan na a makumpirmaran no anya wenno no adda man ti problema ni Bautista a sagsagabaen na nga isu ti nangiduron kenkuana tapno kettelen na ti bukod na a biag.
Kabayatanna, kuna ni Teodoro a kalilkagom dagiti nagannak kenni Bautista a maiyawid a dagud ti bangkay ti anak da apaman a maurnos amin a kasapulan para iti pannakabyahe na.
