LAOAG CITY – Inbatad ni Police Major Joseph Baltazar, ti chief of police iti ili ti San Nicolas a naminsanen a naisayangkatan ti search warrant operation ni Engr. Albino Pedro a taga Barangay Balacad ditoy ciudad ti Laoag.
Nupay kasta, saanen a nakaipaay ti naan-anay a detalye ni Baltazar mainaig iti naisayangkat idi nga operasyon iti balay ti nasao nga inhinyero.
Immunan a napilaan ti kaso a grave threat ti nasao nga inhinyero kalpasan a tinutukan na ti paltog ti ulo ti maysa a residente iti ili ti San Nicolas.
Iti immuna nga interview ti Bombo Radyo ken ni Baltazar, inbaga na a nagresponde da kalpasan nga adda ti naawat da a tawag seknan iti panagtutok ti inhinyero ti paltog.
Kuna na a napan ti suspek iti pagtutugawan iti nagreklamo ken ti maysa pay a kadua na ken maipagarop nga intutok na ti paltog na iti ulo daytoy gapo ta maipagarop a natagari dagitoy basar iti palawag ti inhinyero.
Kunana nga inbaga met ti biktima a nakigtot laengen nga idi immasideg ti inhinyero ket inasut nan ti paltog na ket intutok nan daytoy.
Mainaig iti daytoy, kuna ni Baltazar a saan met a nagresistir ti suspek idi tiliwen da ken kinumpiskar da ti paltog na a caliber 45 armscor ngem masdaaw da gapo ta ti upper reciever daytoy ket STI ti naimarka rason a maibilang a tampered no sadinno ket naikkat ti markings.
Inbatad na a positibo pay ti inhinyero iti nasanger kalpasan a naipadalan iti eksaminasyon.
Naamoan a basar iti witness ket adda ni Pedro iti nasao a barangay gapo ta isu ti ayan ti nobya na ken masansan a mapmapan iti nadakamat a lugar.
