LAOAG CITY – Maisayangkat intono Setyembre 10 ti hearing seknan kadagiti expired a relief goods a naduktalan iti City Engineering Office ditoy ciudad ti Laoag.
Daytoy ket kalpasan a nagtulagen da Sang. Panlungsod Member Arbee Ablan, chairman ti Committee on Social Services ken ni Sang. Panlungsod Member Edison Bonoan, chairman ti Committee on Good Governance iti committee hearing.
Posible met nga adda dagiti empleado wenno opisyal ti lokal a gobierno ti ciudad ti mapilaan ti kaso administratibo mainaig iti saan a pannakairwar dagiti expired a relief goods.
Rumrumwar a dagiti nadakamat a relief goods ket naggapo iti City Social Welfare and Developments Office (CSWDO).
Mainaig iti daytoy, kuna ni Ablan a manarimaan ti pannakaipinal dagiti maimbitar iti joint committee hearing.
