LAOAG CITY – Kinumpirmaran ni Police Staff Sgt. Melmar Antonio, imbestigador ti PNP Trafiic Division ditoy siudad ti Laoag nga adda iti impluwensya ti nasanger dagiti naglugan iti maysa a motorsiklo mainaig ti napasamak a desgrasya iti Brgy. 44 Zamboanga ditoy siudad.
Daytoy ket kalpasan a nagpositibo da iti breath analyser iti Gov. Roque Ablan Sr. Memorial Hospital ditoy siudad.
Kuna na nga uray saan a naibaga da Jesus Gagarin, agatwen ti 19, ken ti agtawen ti 17 a barito agpada a taga Brgy. 47, Bengcag ket possible a napan da nakiinom.
Ni Gagarin ti driver ti motorsiklo ken inlubbon na ti menor de edad.
Immuna iti daytoy, nagdinnungpar ti motorsiklo nga inturong ni Gagarin ken ti kurong-kurong nga inturong ni Constantio Cajigal, agtawen ti 58, naasawaan ken residente iti Brgy. Zamboanga ditoy ciudad.
Pimmusay ni Cajigal gapu ti nakana a sugat iti ulo na.
Agsasarita dagiti maseknan a pamilya iti PNP Traffic Division ditoy siudad ti Laoag.
Innayon met ni Police Lt. Col. Amador Quiocho a basar iti pakpakauna nga imbestigasyon ket basol dagiti nakalugan ti motorsiklo.
