LAOAG CITY – Nakapagsarita ken nakapagkapian da Civil Security Unit (CSU) Personnel Gebson Cabacungan ken ni Market Inspector Arsenio Domingo ditoy siudad ti Laoag.
Daytoy ket kalpasan a maipagarop a dinanug ni Domingo ni Cabacungan iti merkado publiko ditoy siudad.
Inimatangan da Miss Blenda Almo, ti Officer-In Charge iti Merkado publiko ken ni Mr. Ramelito Piedad, ti mangidadaulo iti Civil Security Unit (CSU) ti panagsarita da Domingo ken Cabacungan.
Segun ken ni Almo, agpada nga adda ti nagliwayan dagiti dua gapu ta masapol koma nga inberipikar nga immuna ni Cabacungan no pudno a naghalf-day ni Domingo idinto a ti nagbiddutan ti market inspector ket ti panangdanug wenno panangiduron na iti Civil Security Unit personnel.
Innayon na nga uray inbatad ni Domingo nga induron na laeng ni Cabacungan ket masapol latta nga adda ti maipataw a pannusa kenkuana.
Maipalagip a namonganay ti susik iti nagbaetan da Cabacungan ken Domingo kalpasan a maipagarop nga inrekord ti kameng ti Civil Security Unit ti panag-half day ti market inspector ngem rumrumuar nga whole day ti nairekord a panagduty na.
Gapu iti daytoy, maipagarop a saan a nagustuwan ni Domingo isut gapuna a napanna kinomprontar ti kameng ti Civil Security Unit (CSU) ken maipagarop a dinanug na ti barukong na ngem naglikudan daytoy ti market inspector no sadinno nga inpetteng na nga induron na laeng ni Cabacungan.
