LAOAG CITY – Naipila ti kaso a theft kontra kenni Harold Dave Medina Constantino, agtawen ti 22 baro ken residente iti Brgy. 1 ditoy siudad ti Laoag.
Daytoy ket seknan iti panangtakaw na ti nangina a cellphone nga agbalur ti 48,600 a pisos a kukua ti biktima a ni Francis Chantioco Pacubas, agtawen ti 22, baro ken residente iti Brgy. 46 Nalbo ditoy siudad.
Nairekomendar ti 10,000 a pisos a pyansa ni Constantino gapu ti kaso na ken naipan iti Bureau of Jail Management and Penology ditoy siudad babaen ti bileg ti commitment order.
Immunan nga inlawlawag ni Constantino a napan iti cockhouse tapno masahiyen na ti secutiry guard idi ta nakita na ti iphone 7 plus a kukua ti biktima ket gundaway nga innala na.
Naiwayat ti hot pursuit operation ken naarestar da ni Constantino iti sirok ti gilbert bridge.
Narekobre ti cellphone manipud iti suspek ngem nadadael kalpasan a tinaltal na ti bato.
