LAOAG CITY – Inbatad ni Atty. Jason Perera a naibasura ti kaso nga inpila ti Philippine National Police ditoy ciudad ti Laoag kontra iti kliyente na a maysa a negosyante a naarestar gapu iti maipagarop a panagikot na ti paltog kabayatan ti panagturong na iti peryaan iti baba ti Gilbert Bridge iti kallabes.
Kuna ni Perera a dakkel a tulong dagiti insumitir na Closed Circuit Television (CCTV) footages a nangipaneknek ti pudno a napasamak, sakbay ken kabayatan ti insidente.
Inlawlawag ni Perera nga adda ti nasurok a 10 a police officers a nangisayangkat ti operasyon ken kaadoan kadagitoy ket addaa ti suot na body-worn camera, ngem maysa laeng ti naisumitir ken daytoy adda iti kategorya nga alternative recording device.
Innayon na ti kakaisuna a body-worn camera nga insumitir ti Philippine National Police ket ado pay ti kurangna, idinto nga iti kampo da ket naipakita da amin dagiti pasamak sakbay ken kabayatan ti pannakaarestar ti kliyente na.
Kabayatanna, inrakurak ni Perera a kalpasan a naibasura ti kaso ket awan metten ti plano ti kliyente na nga agpila ti reklamo kontra iti Philippine National Police ditoy ciudad ti Laoag.
Nupay kasta, kuna ni Perera a ti National Police Commission (Napolcom) ti agim-imbestigar iti nasao a pasamak no sadinno nga addan ti pannakisarita da kenkuana ken naipresentar na amin kadakuada dagiti ebidensya a nakalap da ken naited na aminen ti nagan dagiti kameng ti pulisya a nangisayangkat iti operasyon kontra iti kliyente na.
Innayon na nga iyuray laengen no ania ti agbalin a resulta ti iwaywayat nga imbestigasyon ti National Police Commission mainaig iti nasao nga insidente. Maipalagip a kabayatan ti kaadda ti negosyante iti peryaan ket napan inarestar dagiti kameng ti pulisya gapu iti panagikot na ti paltog, ngem inpetteng na a saanna a bagi ti banag a naiget na met a naglikudan
