LAOAG CITY – Kinumpirmaran ni Mayor Francisco Espiritu iti ili ti Dumalneg a nabirukandan ni Sangguniang Bayan Member Pedro Cascayan iti Sitio Sarguelas iti Brgy. Isic-Isic iti ili ti Vintar.
Segun kenkuana, nabirokan ti maseknan nga opisial babaen iti search and rescue operation team iti ili ti Vintar ken Dumalneg pakairamanan dagiti kameng ti Philippine National Police, Bureau of Fire Protection ken ti Philippine Marines.
Inbatadna a nasarakan ni Cascayan iti asideg ti lugar a nakabatianna ti kallugongna iti maysa a kalapaw wenno kubo-kubo iti Sitio Sarguelas iti Brgy. Isic-Isic iti ili ti Vintar.
Inlawlawagna a naitantan ti search and rescue operation idi kalman gapu iti napigsa a tudo rason nga intuloyda ti panangbirok ita nga aldaw agingga a nasapolandan ni Cascayan.
Iti agdama, kinuna ti Mayor nga ipadalanda ni Cascayan iti medical examination nangruna ket addan ti lima nga aldaw a mapukpukaw daytoy.
