LAOAG CITY – Nagtalinaed iti PNP ditoy ciudad ti Laoag ti naabandonar a maysa a kotse a Toyota Vios a nagmaris orange nga addaan ti plate number IAA 8905 iti bypass road a sakop ti Brgy. Sta. Maria ditoy siudad.
Immuna iti daytoy, kinumpirmaran ni Police Major Joseph Baltazar, OIC ti PNP San Nicolas a kukua daytoy ni Sangguniang Bayan Member Maindryann Daine Sales, residente iti Brgy. Saud iti ili ti Pagudpud.
Segun met ken ni Pol. Chief Master Sergeant Eric Bumagat, hepe ti PNP Laoag, nakita iti uneg ti kotse ti eyeglass a nagmari ti blue, sapatos, maysa a jacke, t-shirt, thermo flask, folder a naglaon ti dokumento, black a kaha ti paltog, nga addan 15 a bala ti paltog, 9 mm pistol, short magazine para iti Kalibre 40 nga addaan pay ti 13 a bala ken mysa nga extended magazine gloc40.
Naamoan nga intalek ti opisyal ti nasao a lugan iti agnagan Jade Mina Binbinan, naasawaan ken agnaed iti Brgy 23, ditoy siudad.
Maipalagip a nabuong ti sarming ti tawa ti driver’s seat ken naidungpar iti barikada ti nasao a kalsada bayat a nakasango iti amianan.
Maipalagip a naireport iti PNP San Nicolas nga adda ti mapukpukaw a kotse manipud iti IT Park iti nasao nga ili.
Gapu iti daytoy, manamnama nga imbestigaren a naimbag dagiti otoridad ti insidente ken manamnama ti pannaka iturnover ti kotse iti PNP iti ili ti San Nicolas.
