LAOAG CITY- Nakaruaren iti pagbaludan ti maysa a lalaki a naarestar iti panagikotna ti paltog iti paset ti Brgy. Sta Cruz iti ili ti Badoc.
Ti suspek ket agtawen ti 37, mekaniko, ken residente ti Brgy. Lusuac, Peñarrubia iti ili ti Abra.
Inbatad ni P/Capt. Elisson Pasamonte, Deputy Chief of Police ti Badoc Municipal Police Station, daytoy ket kalpasan a nagpiyansa ti Php120,000.00 a pisos para iti temporario a pannakawaya-ayana.
Innayonna a basar ti imbestigasionda ket saan a gun for hire daytoy ken hobby-na laeng ti agitugot ti paltog a kas ar-aramiden ti dadduma manipud iti probinsia ti Abra.
Maipalagip a daytoy ket natiliw iti babaen ti inyuswat a Security Monitoring ken Standby Operations iti Ilocos Norte Police Provincial Office (INPPO) idi adda ti Isuzu Towing Service Truck a nag-parking itiasideg ti lokasionda a nakiluganan ti suspek no sadinno a timmakder ket natinnag ti nasao nga paltog a nakaalan ti atension dagiti otoridad.
Ditoy a naala ti boluntariona nga insuko ti suspek ti 1 a caliber .45 with pistol, 1 a magazine nga addaan 7 a loaded live ammunitions, 1 a magazine para ti caliber 45 pistol nga addaan 6 a live ammunitions, 1 a black pouch nga adda karga na a 4 live amunitions, 1 a holster, 1 a black a sling bag nga addaan Php65,000 pesos.
Iti agdama, manamnama a sumango ti suspek ti kaso a panaglabsing ti Republic Act (RA) 10591 a Comprehensive Firearms and Ammunition Regulaton Act.
