LAOAG CITY – Inbatad ni Police Captain Jephre Taccad, ti chief of police iti ili ti Pinili a nakasaganan dagiti dokumento para ti panangipila da ti reklamo a frustrated homicide kontra ken ni Mr. Dennis Saludez y Baligat, agtawen ti 42, naasawaan, maysa a mannalon ken residente Barangay Bulbulala iti nasao nga ili.
Daytoy ket kalpasan a pinang-or na ti ulo ti step-granddaughter na a ni alyas ‘Ana’, agtawen ti siyam.
Immuna ti daytoy, rumrumuar a nakapungtot ti suspek kalpasan a rimuar iti balayda ti ubing a saan a nagpakada.
Kuna ni Taccad a mabalin a saanen a nakontrol ti suspek ti bagina iti panangpang-or na iti ulo ti ubing gapu ta naamoan a daytoy ket nabartek idi napasamak ti insidente.
Inpakaammo na pay nga idi kalman ket nangted ti palawag ti step-grandmother ti ubing ken nakasagana a mangipila ti reklamo kontra iti asawa na, ngem itay laeng bigat ket kayat nan nga ibabawi.
Nupay kasta, kuna ni Taccad a no kayat ti maseknan nga ibabawi ti nagbalin a palawag na ket iti laengen piskalya.
Segun pay ken n Taccad, saan da pay a nakasarita ti ina ti ubing gapu ta agtrantrabaho idiay Metro Manila.
Kabayatanna, kuna ti opisyal a kasarita danto ti Municipal Social Welfare and Development wenno MSWD tapno isudan a mismo ti mangipila ti reklamo kontra ken ni Saludez gapu ta nakaro ti inaramid na iti biktima.
Iti agdama ket nagtalinaed ni Saludez iti kustodyar ti PNP iti ili a Pinili ti suspek.
