LAOAG CITY – Naglikodan ni Mark Leo Balino, subject ti naisayangkat a drug buy-bust operation iti Brgy. 2 iti ili ti San Nicolas a kukua na dagiti narekobre a tallo a sachet a naglaon ti maipagarup a shabu.
Inpetteng ni Balino a dagiti maipagarop a shabu ket naipabulsa kenkuana kabayatan ti pannakatiliw na.
Inlawlawag ni Balino a manarimaan ti panangtarimaan da ti oven iti pagpapaayan na a pasdek negosyo idi adda ti gimmatang ti liempo.
Inbatad na a kalpasan ti panangchop na ti liempo ket nagsaludsod da no am-ammo na ti nagan ti Jay-ar, a daytoy ket kaubraan na.
Kuna ni Balino nga inpan da iti ruwar ti pagtagilakuan ket dita a napabulsaan.
Kabayatanna, kinumpirmaran ni Police Major Ryan Retotar, hepe iti ili ti Dingras a simmuko ni Balino iti PNP Banna iti kallabes ken adda iti drugwatchlist ti PNP Dingras.
Kuna na nga idi kaiyak-akar iti ili ti Dingras ket addan ti monmonitoren da a taga Banna ngem naamoan na laeng ti nagan na a daytoy ket ni Balino itay kallabes.
