LAOAG CITY – Naipilan ti reklamo a panaglabsing ti Republic Act (RA) 9165 wenno ti Comprehensive Dangerous Drugs Act of 2002 kontra ken ni Mr. Derrick Agcaoili alyas Dora, agtawen ti 49, awanan ti asawa ken residente iti Brgy. 1 iti ili ti Vintar.
Daytoy ti inbatad ni Police Capt. Roy Manuel Ordonio, ti chief of police iti ili ti Vintar.
Segun ken ni Ordonio a naipila ti kaso kontra ken ni Agcaoili babaen iti inquest proceeding.
Maipalagip a kabayatan ti naiyuswat a search operation iti balay ni Agcaoili ket nakakumpiskar da iti dirty kitchen ti tallo a sachet ti maatap a shabu a naipalaon iti bassit a plastic bottle ken agdasen ti agarup maysa a gramo ken mapatta-patta nga agbalor ti 6,800 a pisos.
