LAOAG CITY – Napilaanen ti kaso dagiti lima nga indibidual a naglabsing iti Presidential Decree 1602 wenno ti Illegal Gambling Law kalpasan a naarestar dagitoy gapu iti panagsusugalda ti Lucky 9 iti maysa a minatayan iti Brgy. 6 ditoy siudad ti Laoag.
Segun iti Laoag City Police Station narekomendaran nga agpiyansa dagiti lima nga indibidual iti P30,000 iti tunggal maysa kadakuada.
Maipalagip a naarestar dagiti lima nga indibidual gapu babaen iti naiwayat nga Anti-Illegal Gambling Operation
Mainaig iti daytoy, dagiti suspek ket agtawen iti 42, awanan asawa, agtawen iti 31, awanan asawa, agtawen iti 54, balo ken dagiti dua pay nga adda iti umno a tawen nga agpapa amin dagitoy a residente ti Brgy. 6 ditoy siudad ti Laoag.
Malaksid kadakuada, adda pay ti sangapulo nga indibidual ti nakalibas.
Gapu iti daytoy, nakumpiskar dagiti otoridad ti 40 a pedaso ti playing cards, 7,920 a pisos a mapapati a nagbalin a pusta ken dadduma pay a gambling paraphernalia.
