LAOAG CITY – Adda pay laeng ti lugan ni sangguniang bayan member Mark Den del Castillo iti paset ti Solsona Apayao road iti ili ti Solsona.
Daytoy ti kinumpirmaran ni Pol. Capt. Arnel Tabaog, chief of police iti PNP iti ili ti Solsona.
Kuna ni Tabaog nga agpapan kadagitoy a gundaway ket saan da pay a naikkat ti lugan iti nasao a lugar ngem adda dagiti kabagyan ti konsehal a mangbanbantay iti daytoy.
Innayun na nga agtultuloy ti panangmonitor ti PNP-Solsona iti nasao a lugar tapno saan a maulit ti napasamak nga insidente.
Maipalagip a naawanan ti kontrol ni del Castillo kabayatan nga iturturong na ti toyota Hilux a lugan na itay kallabes.
Nagtalinaed met del Castillo iti Mariano Marcos Memorial Hospital and Medical Center (MMMH&MC) iti siudad ti Batac para iti naan-anay a pannakataming na.
