LAOAG CITY – Maimbestigar a naimbag ti maipagarop a panangdiscriminate ti dua nga empleado ti merkado publiko iti ili ti San Nicolas ken ni SK chairman George Cabantangan iti Barangay 7 iti ili ti Sarrat.
Inbatad ni Municipal Administrator Mrs. Marilyn Tolentino iti ili ti San Nicolas nga addan ti panagsarita ti dua a lokal chief executive ti ili ti Sarrat ken San Nicolas mainaig iti daytoy a pasamak.
Kuna pay ni Tolentino a daytoy ti maysa kadagiti agenda iti panagtataripnong da iti municipyo iti ili ti San Nicolas ita nga aldaw.
Maipalagip a nagkamang ditoy Bombo Radyo Laoag ni Cabantangan gapu iti maipagarop a pannaka-discriminate na babaen kadagiti dua nga empleado ti merkado publiko iti ili ti San Nicolas.
