Inpetteng ni Police Lt. Col. Amador Quiocho, hepe ti PNP Laoag nga awan ti kinapudno ti maipagarup a gandat a pannakakumaw ti maysa nga ubing iti Brgy. Cavit ditoy siudad.
Daytoy ket kalpasan a nakumpirmaran dagiti imbestigador ti nasao a kuerpo ti pulisya.
Kuna na a nairana ti nasao a van nga immabay iti nasao nga ubing itay kallabes a panagcaroling da.
Segun kenni Quiocho, gapu kadagiti nagwaras a maipagarup nga kaadda dagiti agkumaw iti nagduduma a lugar ket patyen na a naikkan ti kaipapanan ti maysa a van a naiyabay iti ubing.
Inbatad ni Quiocho nga awan met ti naibaga ti ubing ken dagiti kabagyan na mainaig ti motibo a gandat a pannakakumaw ti ubing.
Innayon ti hepe a binagbagaan dagiti pulis a saan da nga agang-anaw mainaig ti napasamak ken adu dagiti maalarma.
Mamati ti opisyal nga epekto dagiti mabuybuya iti social media mainaig iti puraw a van nga agal-ala ti tao iti panangipapan ti ubing a maipagarup a magandat nga alaen dagiti nakalugan iti van.
Daytoy ket gapu iti kinasapa a panagusar dagiti ubbing ti cellphone.
Kuna ni Quiocho nga agaramid da ti estorya kalpasan ket saan da met laeng a mapaneknekan no pudno wenno saan.
Nagpalagip ni Quiocho agannad ken saan nga agaramid kadagiti maikanniwas iti linteg tapno agtalinaed a naragsak iti panangselebrar ken panagsarabu ti baro a tawen.
Kabayatanna, kinontra ni Mrs. Brenda Baculi Tomas, ina ti Grade 2 pupil a dandani a nakumaw ti nagbalin a palawag ni Police Lt. Col. Amador Quiocho, hepe ti PNP Laoag a nagaramid ti estorya ti anak na ken saan a natakderan.
Mamati ni Tomas nga agsarsarita ti pudno ti anak na kalpasan ti maipagarup a gandat a pannakakumaw na babaen ti puraw a van.
Nasakit ti rikna ni Tomas iti naibaga ni Quiocho mainaig iti maipagarup a ar-aramid laeng ti ubing ti maipagarup a gandat a pannakakumaw na.
