LAOAG CITY – Inbunannag ni Bombo International Correspondent Manny Pascua nga awan pay ti naan-anay a duktal dagiti health officials mainaig dagiti agassawa a Japanese a naapektaran tiu corona virus disease.
Maipalagip a kinumpirmaran ti Hawaii ti kaunaan a kaso ti corona virus gapu ti panagbakasyon dagiti agassawa a Japanese iti isla ti Maui ken Oahu idi Enero 28 nagpatingga idi Pebrero 3.
Kuna ni Pascua a nagturong dagiti Japanese national iti Honolulu a naglugan ti Hawaiian Airlines flight 265 ken nagtalinaed iti maysa a condominium iti Waikiki.
Innayon na a nadiskubre a naapektaran da ti corona virus idi nakaawiddan idiay Japan.
