LAOAG CITY – Kinumpirmaran ni Mrs. Conception Samoi, Guidance Coordinator iti San Marcelino National High School iti Barangay San Marcelino iti ili ti Dingras a naminduan a dara a nagpakawan ni Luvenia Arcangel, Grade 8 Adviser iti nagannak ti pinagsasawan na nga estudyante na.
Napasamak daytoy kabayatan ti panagsasarita da, kadwa da dagiti Child Protection Officers nga opisyal met laeng iti nadakamat a barangay ken ti principal ti pagadalan a ni Mrs. Teresita Manala.
Nupay kasta, inbatad ni Samoi a saan pay a napakawan ti ina ti biktima ti nasao a mangisursuro ken inbaga na panunuten na a naimbag no rumbeng a pakawanen na wenno saan.
Kabayatanna, kinumpirmaran ni Ilocos Norte Dep-ed Supt. Doctor Joan Corpuz a saan pay a napan nagreport iti opisina na ti principal a ni Manala mainaig iti napasamak.
Maipalagip a gapu iti nakaro a panagsasao ni Arcangel iti estudyante ket ginandat na ti nagpakamatay babaen ti panagtumar na ti 20 a tableta.
