LAOAG CITY – Nabirukanen a bangkay ti mangngalap nga immunan a naireport a mapukpukaw iti Barangay Gabu Sur ditoy ciudad ti Laoag.
Nakita ti agtatapaw a bangkay ti mangngalap a ni John Mike Ranada, agtawen ti 34, residente iti Metro Gabu ditoy ciudad ti Laoag iti baybay a sakop ti Brgy. Davila iti ili ti Pasuquin.
Segun ken ni Barangay Chairman Elviro Agoo iti Barangay Davila iti ili ti Pasuquin, binigbig a mismo ti kameng ti pamilya na ti biktima.
Inlawlawag na nga inpatulod dagiti otoridad ti ladawan ti nabirukan a bangkay ti lalaki iti pamilya ti biktima no sadinno a positibo a binigbig nga isuna ti mangngalap a mapukpukaw.
Mainaig iti daytoy, inbalakad ti kapitan a masapol a no mapan agkalap iti baybay ket siguradwen nga adda ti kabunggoy tapno adda ti dagus a mangbayabay no bilang adda ti saan a nasayaat a mapasamak.
