LAOAG CITY – Naipisuken iti Ilocos Norte Provincial Jail ti subject ti anti-illegal drug buy-bust operation nga agtawen ti 55, mannalon ken residente iti Barangay Escoda iti ili ti Marcos.
Daytoy ti inbatad ni Police Major Jonevale Maramag, ti chief of police iti ili ti Marcos.
Kuna ni Maramag a naipisuk a dagus ti suspek iti Ilocos Norte Provincial Jail kalpasan a napilaan ti kaso a panaglabsing ti Republic Act 9165 wenno Comprehensive Dangerous Drugs Act of 2002.
Kinumpirmara pay ni Maramag a positibo a shabu dagiti nakumpiskar da manipod iti nasao a suspek.
Maipalagip a kabayatan ti operasyon ket nakakumpiskar dagiti otoridad ti 4 a sachet a naglaon ti maipagarop a shabu nga agdagsen ti sumurok-kumurang maysa a gramo, maysa nga open empty sachet, P1,000.00 a nausar kas buy-bust money ken sumagmamano a personal a kagamitan ti suspek.
