Inpakaamo ni Mayor James Bryan Alcid ti binulan a panag-report kenkuana ti Ilocos Norte Water District (INWD) mainaig kadagiti 12 a Barangay a saan a mabenbenipisiaran.
Daytoy ket tapno maamoan ti status iti pannakaipadanon ti danum kadagiti barangay nga awan pay ti supply-na ditoy siudad ti Laoag.
Inbatadna a daytoy iti maysa kadagiti problema dagiti sumagmamano a Barangay ditoy siudad gapu iti saan a pannakaipadanon ti danum iti Ilocos Norte Water District (INWD) kadagiti pagtaenganda.
Mainaig iti daytoy kinunana a basar iti reportda ket umabot iti uneg ti tallo a bulan sakbay a maaramid iti path line dagitoy a kumamang kadagiti pagtaengan.
Kabayatanna, kinuna ni Alcid nga aguray laeng dagiti maseknan gapu ta agdaman nga ar-araiden iti Ilocos Norte Water District (INWD) dagitoy.
Maipalagip nga umabot iti 12 a Baraagay ditoy siudad ti Loag iti saan a maserserbian ti Ilocos Norte Water Distrct pakairamanan iti Brgy. Calayab, Sta. Rosa, Lataag, Bacsil North Bacsil South, Ila, Casili, Coacan, Cataban, Navotas A, ken Navotas B.
