LAOAG CITY – Kinatawaan laeng ni Mayor Michael Marcos-Keon ditoy ciudad ti Laoag ti napasamak a panagrarambol iti nagbabaetan da Sang Panlungsod Member Justine Chua, SP member Edison Chua ken ni SP member Eddison Bonoan idi rabii.
Segun ti mayor, saan a big deal ti napasamak gapu ta nasaysayaat langen a dagitoy ti nagdidinnangran ngem iti danugen da dagiti inosente nga umili.
Nupay kasta, inbatad ni Keon nga agsasarita da ita a malem gapu ta kayat na a pagpalawagen dagiti maseknan no apay a nagtungpal ti panagdidinnangran ti saan da a pinagkikinnaawatan bayat ti regular session dagitoy.
Innayonna pay a kas mayor ket urnusenna ti saan a panagkinnaawatan pti nagbaetan dagiti maseknan a konsehal ditoy ciudad ti Laoag.
Maipalagip a sakbay ti panagririnnambol dagiti nasao a kameng ti konseho ket adda ti nabara a diskusyon iti uneg ti session bayat ti regular session seknan ti saan a pannakaipakaamo ken ni Konsehal Bonoan kas chairman ti Committee on Land Transportation a naibasura ti franchise ordinance nga inisponsoran na.
