LAOAG CITY – Maysa a driver ken konduktor ti nagpositibo iti naisayangkat a ramdom drug test ditoy probinsya babaen iti Land Transportation Office, Phililippine Drug Enforcement Agency ken Philippine National Police.
Daytoy ti inbatad ni Agent Marie Fe De Guzman, ti pannakangiwat iti Phililippine Drug Enforcement Agency – Region I.
Gapu iti panagpositibo iti panagusar ti shabu ti maysa a driver ken konduktor ket kinumpiskar ti Land Transportation and Franchising Regulatory Board ti driver’s license da.
Malaksid iti daytoy, dumalan pay dagiti dua iti Treatmenr and Rehabilitation center for Drug Dependency Examination ti Department of Health.
Inpakaammo ni De Guzman nga adda ti pakabuklan a 106 a driver ken konduktor ti dimmalan iti random drug test no sadinno nga 44 dagiti bus driver, 29 a bus conductor, 27 a jeepney driver ken 6 a tricycle driver.
Immunan nga inbatad ni Engr. Eric Suriben, Assistant Regional Director – Land Transportation Office – Region 1, a babaen iti daytoy a gannuat ket maipasigurado a natalged ti biahe dagiti pasahero.
Innayon na a maisaysayangkat ti random drug test tunggal adda dagiti dadakkel nga events kas ita a lawas a pannakaobserbar ti semana santa.
