LAOAG CITY – Nakapuoten ti maysa kadagiti biktima ti desgrasya idiay Barangay 13, San Eugenio, San Nicolas, Ilocos Norte a nakatayan ti kadwa na.
Iti panagim-imbestigar ti PNP, kuna Police Major Paul Benedict Parado, ti chief of police ti PNP-San Nicolas a napaspas ti panagpataray ti driver ti motorsiklo a ni Glenn Xavier Tajorda rason ti pasamak a puun ti nakatayan na.
Segun kenni Parado, basar kadagiti nakakita ket manarimaan ti argumento ti pimmusay a ni Tajorda ken ti lubbon na a ni Maribel Gaoiran Agustin bayat a nakalugan da iti motorsiklo da.
Kunana a mabalin a gapo iti daytoy ket saan na a nai-concentrate ti nagmaneho a rason ti nasao a pasamak.
Police Major Paul Benedict Parado, COP, San Nicolas-PNP
Inlawlawag na nga agturong kuma dagiti biktima iti Barangay Payas iti nasao nga ili.
Basar iti panagimbestigar da ket awan iti impluwensya ti nasanger ti nasao a driver.
Inbatad na nga awan pay ti suot nga helmet dagiti nasao a biktima.
Agpapan maisursurat ti damag ket nagtalinaed pay laeng iti Laoag City General Hospital (LCGH) ni Agustin.
