LAOAG CITY – Inbatad ni Mr. Gregorio Pasion, ti Family Driver ken maysa kadagiti nakakita iti pammaltog iti Barangay Tabucbuc iti ili ti Marcos a nakatayan ni Barangay Captain Helen Abrigado iti Brgy. Ferdinand a saan da a ninamnama nga adda ti kastoy a mapasamak.
Segun kenni Pason, kalkalpas laeng ti Lantern Parade ken ta idi agawid da ket ado met dagiti mangob-overtake iti convoy da ngem kellaat lattan a napan iti tengnga ti convoy da dagiti suspek ken ditoy a napalto-paltogan ti biktima.
Basar kenni Pasion, napan dagiti suspek iti kannawan a paset ti nagluganan ti biktima ken ditoyen a nakangeg ti namitlo a putok ti paltog ken adda ti nakita na nga apoy.
Ditoy metten a nagikkis dagiti nakalugan iti convoy da ken ditoyen a kinamat na dagiti nakamotorsiklo ngem idi dandani na maabotan dagitoy ket nagpanic metten dagiti BHW a kakadua na agingga a saan dan a naabotan dagitoy.
Kunana nga awan met ti ammo na a karirriri ti biktima ken natulong ti kapitana kadagiti agkasapulan.
Kabayatanna, emosyunal nga inistorya ni Brgy. Secrtary Joel Gabriel Aoanan iti panakapaltog ni Barangay Captain Abrigado.
Inlawlawag na a kadua na ti kapitan a nakalugan a mismo iti L300 idi adda iti nangeg na a dua a putok ti paltog ken adda ti nagrisak isut gapo na a dagus a timakder a nangitunda ti pannakaregreg na.
Gapo iti pannakaregreg na ket nagsagaba ti sugat iti ima na.
Kabayatanna, inpetteng ni Aoawan nga awan met iti kaririri ti kapitan no sadinno nasingpet daytoy ken managtulong iti pada na a tao.
