LAOAG CITY – Nagtalinaed pay laeng iti kustodyar ti PNP-Laoag ni Ding Burgos, agtawen ti 35, mekaniko iti maysa a pagtagilakoan ti motorsiklo iti ili a Dingras ken residente iti Brgy. 21 iti ili a Sarrat.
Natiliw ni Burgos iti drug buy bust operation iti Brgy. 14 ditoy ciudad ti Laoag a nakaalaan dagiti otoridad ti 12 a sachet iti maatap a shabu ken ti maysa a sachet a maipagarop nga inlako na iti nagpammarang a police poseur buyer.
Segun ken ni Police Chief Master Sergeant Ferdinand Santos, ti mangidadaulo iti PNP-Traffic Division ditoy ciudad ti Laoag, saan a naileppas ti pannakaipila ti reklamo a panaglabsing ti Republic Act 9165 wenno Comprehensive Dangerous Drugs Act of 2002 kontra iti nasao a suspek.
Inbatad na nga ituloy danto intono lunes gapu ta awan ti opisina ita nga aldaw.
