LAOAG CITY – Kinumpirmaran ni Police Major Eddie Suyat, ti chief of police ti PNP-Paoay a pimmusayen ti biktima ti desgrasya nga agtawen ti 14 a menor de edad.
Segun kenni Suyat, pimmusay ti biktima bayat nga adda iti Mariano Marcos Memorial Hospital and Medical Center iti ciudad ti Batac.
Inbatad ni Suyat nga adda metten ti nagsasaritaan ti pamilya ti biktima ken ti pamilya dagiti nakalugan iti van.
Naamoan a tumulong ti pamilya ti nakalugan ti van iti pannakaitabon ti biktima.
Maipalagip a napasamak ti desgrasya iti Balacad-Paoay Road bisinidad iti Brgy. Mumulaan iti ili ti Paoay no sadinno ket agpapa-amyanan a direksyon ti biktima ken idi madanun na ti agkurba a paset ti kalsada ket ditoy a nakadinnungpar na ti van a nagderderetso met nga agpaabagatan a direksyon.
First Report: https://www.bomboradyo.com/laoag/menor-de-edad-a-nangiturong-ti-tricycle-kritikal-kalpasan-a-nakadinnungpar-na-ti-van-iti-ili-ti-paoay/
