LAOAG CITY – Naikabil idiay Regional Crime Laboratory idiay La Union ti suspek a menor de edad a nakaiwayatan ti drug buy bust operation idiay Brgy 5, ditoy ciudad ti Laoag
Ti nasao a menor de edad ket agtawen ti 16, awanan ti asawa, out of school youth ken residente ti Brgy. 2 iti nasao a ciudad.
Natiliw daytoy kalpasan a naglako ti napagango a bulong ti marijuana a naikabil iti ziplock, maysa a na-roll a napagango a marijuana leaves, ken ti naikabil iti papel a maipagarop a marijuana.
Naamoan a naarestar daytoy babaen ti panagpammarang ti pulis a posuer buyer ken adda ti 500 a pisos a nausar.
Nakumpiskar pay manipud kenkuana ti sumagmamano a kuarta a 41 a pisos ken lighter.
Dumalan ti suspek ti drug test idiay La Union gapo ta awan ti mangiwayat ti eksaminasyon ditoy Crime Laboratory iti Ilocos Norte Police Provincial Office (INPPO).
Kabayatanna, segun kadagiti otoridad, ti nasao a suspek ket nabayagen a masipsiputan ken rumrumwar a kakadua na dagiti immunan a manor de edad a natiliw idiay Brgy. 2 ditoy ciudad ti Laoag.
