LAOAG CITY – Inbatad ni P/Maj. Reginaldo Dalipias Jr. hepe ti Philippine National Police iti ili ti San Nicolas, a ti makitkitada a motibo iti pammaltog a napasamak idi laeng napan nga aldaw iti Brgy. 6 iti nasao nga ili ket gapu riri seknan iti sanikua dagiti maseknan a pamilya.
Kunana a basar iti inisyal nga imbestigasyon ti pulisya ket naamuan nga adda ti saan a panagkikinna-awatan dagiti agkakabsat, nangruna ket ti nasao a biktima ket maysa a businessman.
Mainaig iti daytoy, pinasingkedan ni Dalipias nga iti kabiitan a paawen ket adda mapilaan ti kaso kriminal sipud ta addan pakabigbigan ti suspek basar kadagiti CCTV Footage ken nailasin pay ti asawa ti biktima ti suspek apaman ti pammaltog a napasamak.
Maipalagip a kabayatan nga agiplasplastar ti biktima nga aglukat iti karinderya ket kellaat nga immasideg ti suspek kenkuana kagiddan ti namindua a daras a pinaputukan isuna ti paltog.
Gapu iti daytoy, kunana a nagsagaba ti dua a tama ti paltog ti biktima iti luppona a dagus met a naitaray iti Black Nazarene Hospital iti ili ti San Nicolas.
Inlawlawagna nga adda ti dua a basyo ti paltog ti calibre 45 ti narekobre iti lugar a nakapasamakan ti insidente.
Agtalek met ni Mayor Fronda nga ar-aramiden dagiti lokal nga opisial ti salun-at ti pagrebbenganda a manglapped iti panagwaras ti sakit kadagiti dadduma pay nga umili.
