LAOAG CITY – Sinungbatan ni Mr. Joseph Mandac, maysa a lupon tagapamayapa iti Brgy. Casili ditoy siudad ti Laoag ti maibatbato nga akusasyon kenkuana a maipagarup a kinamat da iti ama na ni Mr. Rosendo Mandac bayat a nakaiggem dagitoy ti tabas.
Segun ken ni Mandac, kinamat na ni Rosendo gapu ta nagkarit daytoy.
Nu pay kasta, inpetteng na a saan na nga intensyon nga adda ti iggem na a tabas iti dayta a gundaway gapu ta inusar na daytoy a nagdalus iti talonda.
Immuna iti daytoy, inpakaammo ni Mandac a sinullatan ni Rosendo ti padawang ti danom rason nga awan a pulos ti simrek a danom iti pagraepanda.
Inbatad na nga insarita na ken ni Rosendo a mapagbigyan da pay laeng a mangsublat ti danom ngem arigna kimmarit daytoy partikular iti ama na a kadua na iti dayta a gundaway.
Gapu iti daytoy, kuna na a nagbalin nga agresibo ken nagdadanon da iti chekcpoint ti barangay.
Nu pay kasta, inpetteng na a saan na a plano nga addaan ti tabas ken dagus met laeng a pimmnaw.
Kabayatanna, inbaga ni Mandac a saan laeng nga isuna ti nakariri ni Rosendo maipanggep iti danom iti pagtalonan gapu ta adda pay dagiti pada da a mannalon a nakariri daytoy.
Maipalagip nga inpetteng ni Mr. Rosendo Mandac a desidido a mangipila ti reklamo kontra kenni Joseph Alipino ken ti ama na a ni Adolfo Alipio.
Daytoy ket kalpasan ti maipagarop a panangkamat dagiti agama kenkuana bayat a naka-iggem ti tabas gapo iti isyu ti panagpadanom iti kataltalunan.
Kuna ni Mandac nga idi Domingo ket adda ti danom para iti talon da ket gapo ta nakita na nga adda ti danom nga agay-ayos iti irigasyon ket linukatan na ti padawang na tapno sumrek ti danom iti talon na.
Nupay kasta, kunana nga adda metten ni Joseph ken sinerraan na daytoy tapno iti talon na a mismo ti pagturungan ti danom, ken naulit pay daytoy agingga a binaybay-an na lattan.
Segun kenni Mandac, idi agawiden ken nalpas metten ni Adolfo iti trabaho na iti talon ket kinasarita da nga iturong da pay laeng ti danom iti talon da tapno makaparaep da ken immanugot met ti ama nga Alipio.
Inlawlawag ni Mandac nga idi agawid kuman a nakalugan iti tricycle ket nasabat na dagiti agama nga Alipio ken kimmarit dagitoy agingga nga inkamat da ti iggem da a tabas.
