LAOAG CITY – Naragsak nga inpakaammo ni Brgy. Chairman Allen Alcid iti Brgy. Nangalisan-A ditoy siudad ti Laoag a nasolbaren ti parikotda a nabangsit a kanal manipod kadagiti water waste kadagiti dadakkel a pasdek-negosio iti ili ti San Nicolas.
Segun kenkuana, dagus a nagtignay ti Venvi Construction Firm tapno masolbar iti nasao a problema dagiti maseknan a residente.
Inbatadna a daytoy ket babaen iti pananggaborda ti darat iti kanal tapno saanen nga agangot pay ti nabangsit nga angot.
Kunana a nagusarda ti backhoe tapno naan-anay a maiplastar ken saanen a makaapektar kadagiti residente.
Innayonna a mangnamnama daytoy a saanen a maulit daytoy tapno masalakniban ti salun-at dagiti umili.
