LAOAG CITY – Inbatad ni Fire Senior Inspector Ronald Castillo, ti fire marshal ti BFP-Laoag a ti nag-overheat nga oven toaster ti namunganayan ti napasamak nga uram iti maysa a pagtaengan iti Brgy. 23 ditoy ciudad ti Laoag.
Segun kenni Castillo, itay nakariing ti agnagan ti Shielo ket inpapudot na iti oven ti tinapay ken naliwayan na nga isu ti makaigapo a nag-overheat.
Inlawlawag na nga adda ti agnagan ti Erlinda Albano ti insalakan dagiti bombero gapo ta napupok iti uneg ken narigatan a rumuar gapo iti kadakkel ti apoy ken ti asok.
Kunana a naamoan nga adda ti tao iti uneg kalpasan nga adda ti nangeg da nga agik-ikkis ken dagus a simrek dagiti bimbero iti uneg ti pagtaengan a maur-uram.
Inpalgak na nga idi naitawag kadakuada ket 3:48 itay parbangon ken idi nakadanon da iti lugar ket dakkelen ti apoy.
Naamoan a nagpaot ti 35 a minutos sakbay a naideklara a fire out ti napasamak babaen iti panagtitinnulong dagiti bombero ditoy ciudad ti Laoag, Sarrat ken San Nicolas.
Innayon ni Castillo a nasurok maysa a milyon a pisos ti balor ti balay a nauram.
