BOMBO LAOAG – Ibilang ti Philippine National Police (PNP)-Traffic Division ditoy ciudad ti Laoag a nasolbaren ti napasamak a desgrasya iti Barangay 1 a nakatayan ti maysa a balasang.
Daytoy ket kalpasan a nakapagsaritan ti pamilya ti pimmusay a ni Alexis Maxine Abuluyan y Licuan, agtawen ti 19, basalang, nangiturong ti Toyota Corona, residente iti nasao a barangay ken ti driver ti Ford Ranger Raptors a ni Anthony John Mangussad y Datoc, agtawen ti 20, baro, estudyante ken residente iti Barangay 29, San Bernabe ditoy ciudad ti Laoag.
Segun ken ni Police Staff Sergeant Glenn Asuncion, duty Investigator ti PNP-Traffic Division, nakapagsasaritan dagiti maseknan a no sadinno a nagkari a tumulong ti pamilya ni Mangussad iti pamilya ti natay a balasang.
Gapu iti daytoy, ibilangen dagiti otoridad a nasolbaren ti nasao a kaso.
