LAOAG CITY – Agtultuloy ti imbestigasyon ti Philippine National Police iti panangidaulo ni Police Lt.Col Andrew Rabang, ti chief of police ditoy ciudad ti Laoag iti napasamak a panagtakaw iti maysa a dakkel a panganan iti paset ti Bacarra Road ditoy ciudad.
Segun ken ni Police Capt.Rogelyn Ibe, ti pannakangiwat ti Philippine National Police ditoy ciudad ti Laoag, ti nasao a pasamak ket maibilang kas “theft incident” gapu ta awan ti nadadael a kagamitan ken saan a napwersa a nalukatan ti ridaw nga isu ti nagserken ti saan pay a nabigbig suspek.
Inpakaammo ni Ibe nga umabot ti P80, 198 aribo a pisos ti naitaray ti saan pay a nabigbig a suspek a daytoy ket naglakoan da idi domingo, Agosto 3.
Immuna iti daytoy, iti oras ti alas-6:45 ti bigat idi domingo ket napan nagreport iti kwerpo ti pulisya ni Mr. James Villanueva Gambeng, agtawen ti 29, awanan ti asawa, branch manager, ken residente iti Brgy. San Marcelino iti ili ti Dingras kalpasan a naduktalan na a ti naglakoan da a naikabil iti plastic bag ket mapukpukaw.
Gapu iti nasao a pasamak ket naimbitaran amin dagiti empleado a nakaduty idi Agosto 3 tapno maimbestigar gapu ta maibilang da kas persons of interest.
