LAOAG CITY – Manamnama a pagtutulagan dagiti kameng ti Global Alumni – Hawaii ti pakaiyalukaran ti naukkon a kwarta kabayatan ti fund raising wenno search for Alumni King and Queen a naiyuswat idiay Hiltom Hawaiian Village, Honolulu, no sadinno a naka-ukkonda ti nasurok $50,000.00 ken 70% iti kadaytoy ket maipaay iti Mariano Marcos State University Alumni Association.
Daytoy ti inbatad ni Hon. Bismak Quidang, Sang. Panlungsod Member iti ciudad ti Batac.
Kunana a saanda nga inekspektar a kastoy kadakkel ti gatad a maukkonda sipud ta sakbay da a nagbiyahe nga agturong idiay Hawaii ket naragsakdan no adda sangkabassit a maiyawidda.
Malaksid iti daytoy, mangnamnama ni Quidang, nga umadu pay dagiti alumni ti Mariano Marcos State University nga agturong idiay Hawaii tapno agtrabaho.
Inpaka-ammu na a nasurok 4000 nga alumni ti Mariano Marcos State University ti agtrabtrabaho idiay Hawaii.
Kabayatanna, ti programa ket gagem na a tulongan dagiti ag-board exam, pakairamanan dagiti ag-thesis writing iti pinansyal a kasapulan da.
