LAOAG CITY – Inserbi a dagus ti National Bureau of Investigation ti warrant of arrest kontra iti contractor a ni Sarah Discaya a maysa kadagiti karaman iti ₱96.5M ghost flood control anomaly iti Davao Occidental.
Malaksid ken ni Discaya ket adda pay ti dadduma pay nga empleado ti Department of Public Works and Highways a kakadwa na.
Immuna iti daytoy, inrakurak ni Presidente Ferdinand Marcos Jr. ti pannakaiparuk-aten ti warrant of arrest no sadinno a dagiti akusado ket sumangsango ti graft ken malversartion, ken dagitoy a kaso ket saan a mapiyansaan.
Inpasingked ti presidente nga agtultuloy ti panagimbestigar ken panangipila da ti kaso kontra kadagiti amin nga adda ti pakainaigan na kadagiti maanomalya ken ghost flood control projects iti pagilian.
Innayon na a saan laeng a makasoan dagiti maseknan no di ket siguradwen da a maisubli amin dagiti nabusbos ken napukaw a pondo ti umili.
