LAOAG CITY – Inpasingked ni Mr. Lawrence Valmonte, Overseas Filipino Worker Adviser idiay Saudi Arabia a makaawat ni Ms. Catherine Tagaca Andres a residente iti Brgy. 21 iti ili ti Sarrat ken Overseas Filipino Worker idiay Saudi Arabia a minaltrato ti amona ti 20 ribu a pisos manipud iti Overseas Workers Welfare Administration para iti Balik Pinas, Balik Hanapbuhay Livelihood Assistance.
Segun kenkuana, kualipikado a makaawat ni Catherine iti nasao a programa ti gobierno no sadinno inpakaammona metten dagiti proseso no kasano a maala ti nasao nga OFW ti cash assistance.
Inbatadna a dagusda nga ipaaprobar ti aplikasion ni Catherine ken dumalan met daytoy iti Overseas Workers Welfare Administration – Regional Office I para iti naan-anay a pannakaberipikarna.
Inlawlawagna a maibilang a blacklist wenno saanen a makaala ti sabali a Domestic Helper ti amo ni Catherine tapno saanen a maulit pay ti napasamak nga insidente.
Innayonna nga agtultuloy ti panangi-update-da iti kaso ni Catherine agingga a maawatna dagiti tulong nga ipaay ti gobierno .
