LAOAG CITY – Inlawlawag ni P/Cpt. Randy Damo ti hepe ti Philippine National Police iti ili ti San Nicolas a maipila kas regular filing ti panagsalungasing iti Republic Act 10591 kontra iti suspek ti pammaltog iti Brgy. 22 San Guillermo iti nasao nga ili.
Segun kenkuana, adda ti mandato ti Provincial Prosecutor Office para iti Case Build-up wenno kasapulan pay ti naan-anay nga ebidensya nga ipresentar ti Philippine National Police.
Ngem nu pay kasta, kuna ni Damo a naan-anayen a nai-reffer ti kaso a parricide kontra iti suspek a ni Mr. Fermin Cabbat, agtawen ti 57, retired Army ken residente iti nasao a lugar.
Kunana a nangipasa ti waiver ti suspek rason no apay a na-pending ti preliminary investigation.
Kabayatanna, ti suspek ti nagtalinaed iti kwerpo ti San Nicolas Municipal Police Station.
