LAOAG CITY – Nagkedked a mangipaay ti komento dagiti miembro ti pamilya dagiti pimmusay a lineman ti INEC a da Mr. Talio Portela ken Mr. Marcon Domion iti ili ti San Nicolas.
Nupay kasya, kuna ni Mr. Regino Sebastian, ti katugangan ni Portela, nalag-anan ti rikna da gapo ta addan ti nagdur-asan ti pannakatay dagiti biktima.
Inlawlawag na nga awan ti kinapudno na nga adda ti anyaman a gatad wenno tulong pinansyal nga inpaay ti INEC kadakuada.
Inbatad na nga uray awan pay ti pannakisarita ti kooperatiba kadakuada mainaig iti napasamak ket baybay-an da lattan gapo ta addan ti agsungbat ti kaso nga inpila ti PNP.
Kabayatanna, inpetteng met ni Mrs. Leah Domion, asawa ti maysa pay a biktima a ni Domion a malaksid iti burial assitance ket awanen ti naawat na a tulong manipud iti nasao a kooperatiba.
Agpapan ita ket saan pay laeng a kayat ni Mrs. Dumion ti agsarita mainaig iti napasamak iti asawa na.
Kabayatanna, nagkedked met ni INEC General Manager Engr. Felino Herbert Agdigos nga agkomento mainaig iti inpila ti PNP-San Nicolas a reklamo kontra kenkuana ken dagiti kakadwa na a ni Engr. Errol Franco ken Jerry Escalano nga empelado ti Zone 6.
Ummuna ti daytoy, kuna ni Agdigos a saan na nga ammo nga adda ti naipila a kaso kontra kenkunana mainaig iti pannakatay da Portela ken Domion.
Nupay kasta, inlawlawag na a no addan ton ti maawat na a subpoena ti piskalya ket isu ton ti panagsarita na.
Maipalagup nga idi kalman ket inpila ti PNP-San Nicolas ti kaso a double reckless imprudence resulting in homicide kontra iti INEC.
