LAOAG CITY – Desidido ti pamilya ni Keziah Grace Suatin Asuncion a mangipila ti reklamo kontra iti driver ti nakadungpar kenkuana a ni Mhar Domingo Ancheta, 28, baro ken residente iti Barangay 46, Nalbo ditoy ciudad ti Laoag.
Segun kenni Patrolman Paul John Rosete, no mangipila ti reklamo ti pamilya ti biktima kontra iti driver ket ti korte ti mangdeterminar no anya a kaso.
Basar ti panagdmag dagiti otoridad kadagiti nakakita, ti akin-likod a ligay ti truck ti nakapalidlid iti ulo ti nasao a biktima kalpasan a nadungpar na.
Nagtalined met iti kustudiyar ti PNP-Traffic Division ti nasao a driver ti truck ken nagkedked pay laeng a mangipaay ti komento mainaig iti pasamak.
