LAOAG CITY – Inbatad ni Mrs. Eden Bonaobra iti Barangay Magnuag iti ciudad ti Batac nga idi laeng Domingo ti pannaka-ammo da a mapukpukaw ti asawa na a maysan a bangkay idi nakita iti waig iti Barangay Paratong iti ili ti Paoay.
Segun kenni Bonaobra, agtaltalinaed ti asawa na iti pagtrabahoan da gapo ta marigatan nga agawid gapo iti panagtutudo ken isuda laengen ti mapan mangted ti allowance wenno kasapulan na.
Inlawlawag na nga idi mapan da kuma ikkan ti allowance na iti Domingo ket ditoy a naduktalan da nga awan ti asawa na isut gapo na a nabirbirok da ken inpakammo da iti Philippine National Police.
Patta-patta na a posible nga agawid ti asawa na ken mabalin a naigalis ken naiyanod rason ti pannakalmes na.
Mainaig iti daytoy, inbatad na idi kalman ket timmawag kenkuana ti Philippine National Police a mangipakpakammo nga adda ti nakita a bangkay iti waig iti Barangay Paratong iti ili ti Paoay.
Kunana a nabigbig na ti bangkay nga isu ti asawa na babaen iti wedding ring da ken ti piglat iti luppo ti biktima.
Ummuna iti daytoy, nakita ti agruprupsan a bangkay iti waig iti ili ti Paoay babaen iti maysa a residente a nagturong iti lugar.
Inbatad met ti Philippine National Police nga awan ti foul play iti daytoy nga insidente.
